དུས་ཚོད།：2018-06-12 20:09:33 རྩོམ་སྒྲིག： འབྱུང་ཁུངས།：བོད་ལྗོངས་དཔེ་མཛོད་ཁང་།

     བོད་ཀྱི་དམངས་ཁྲོད་གླུ་གར་ནི་༢༠༠༦ལོར་རྒྱལ་སྲིད་སྤྱི་ཁྱབ་ཁང་གིས་མཆོག་མཆན་ཐོབ་ནས་ཁག་དང་པོའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་རྒྱུད་འཛིན་མིང་ཐོའི་ནང་ཚུད་ཡོད། ད་བར་རྒྱལ་ཁབ་རིམ་པའི་ཚབ་མཚོན་རང་བཞིན་གྱི་རྣམ་གྲངས་ཁག་༣༡དང་རྒྱུད་འཛིན་མི་སྣ་༢༥ཡོད། ལྗོངས་རིམ་པའི་ཚབ་མཚོན་རང་བཞིན་གྱི་རྣམ་གྲངས་ཁག་༩༥དང་རྒྱུད་འཛིན་མི་སྣ་༡༢༤ཙམ་ཡོད།

        བོད་ཀྱི་དམངས་ཁྲོད་གླུ་གར་རིག་མཛོད་ནི་རྒྱལ་ཡོངས་རིག་གནས་ཆ་འཕྲིན་ཐོན་ཁུངས་མཉམ་སྤྱོད་ལས་གཞིའི་བོད་ལྗོངས་ཡན་ལག་ལྟེ་གནས་ཀྱིས་༢༠༠༨ལོར་འཛུགས་སྐྲུན་བྱས་པའི་ས་གནས་ཁྱད་ལྡན་ཐོན་ཁུངས་རྣམ་གྲངས་ཤིག་ཡིན། ལས་གཞི་འདིར་སྒྲ་དང་བརྙན་གཟུགས། པར་རིས་སོགས་ཀྱི་ལམ་ནས་བོད་ཀྱི་གླུ་གར་གཞུང་ལུགས་ཇི་ལྟར་ཆགས་ཚུལ། བོད་ཀྱི་ཐུན་མིན་གྱི་གླུ་གར་གྱི་ནང་དོན་དང་འཁྲབ་རྩལ་སོགས་ལེགས་པར་བཤད་ཡོད། རྣམ་གྲངས་འདིར་ཁྱོན་ཞབས་བྲོ་ལེའུ་༢༢དང་ཆེད་དོན་པར་གཞི་༡ པར་རིས་༧༧༠ལྷག ཡིག་འབྲུ་ཁྲི་༢༣ལྷག་ཡོད།