-
བོད་ལྗོངས་ཀྱིས་འཛམ་གླིང་དཔེ་ཀློག་ཉིན་མོའི་བྱ་འགུལ་སྤེལ་བ།
2019-05-09 21:10:11
བོད་ལྗོངས་ཀྱི་སྤྱི་ཚོགས་ལས་རིགས་སོ་སོ་ནས་ཡོང་བའི་ཀློག་པ་པོ་རྣམས་བོད་ལྗོངས་དཔེ་མཛོད་ཁང་དུ་ལྷན་འཛོམས་བྱུང་ནས། སྒྲུང་གཏམ་བཤད་པ་དང་། གསུང་རབ་གྱེར་འདོན། དཔེ་ཀློག་གི་མྱོང་ཚོར་གླེང་བ་བཅས་བྱས་ནས་མཉམ་དུ་འཛམ་གླིང་གི་དཔེ་ཀློག་ཉིན་མོར་བསུ་བཞིན་ཡོད།
-
བོད་ལྗོངས་ཀྱིས་འཛམ་གླིང་དཔེ་ཀློག་ཉིན་མོའི་བྱ་འགུལ་སྤེལ།
2019-05-09 21:14:01
ཟླ4བའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་རེད། འདི་ནི་ནག་ཆུ་དམིགས་བསལ་སློབ་གྲྭའི་སློབ་མས་བོད་ལྗོངས་དཔེ་མཛོད་ཁང་དུ་ལོང་ཡིག་དཔེ་ཀློག་བྱེད་བཞིན་པའི་ཚུལ་རེད།（ཟླ4བའི་ཚེས21ཉིན་པར་བླངས） འདི་ནི་ལྷ་ས་གྲོང་ཁྱེར་ཚོད་ལྟའི་སློབ་ཆུང་གི་སློབ་རིམ་གསུམ་པའི་སློབ་མས་བོད་ལྗོངས་དཔེ་མཛོད་ཁང་དུ་སྲོལ་རྒྱུན་པར་འདེབས་ལག་རྩལ་རོལ་མྱོང་བྱེད་བཞིན་པའི་ཚུལ་རེད།
-
གླིང་སྒྲུང་གི་གོ་དོན་དང་ཁྱད་ཆོས་བརྗོད་པ། ༤
2018-09-29 21:46:19
བོད་གངས་ཅན་གྱི་དཔའ་བོའི་ལོ་རྒྱུས་བྱུང་བ་བརྗོད་པའི་སྙན་རྩོམ་རིང་མོའི་མི་སྣ་གཙོ་བོ་གླིང་གེ་སར་རྒྱལ་པོ་མཆོག་ནི་ལྷ་སྒྲུང་ནང་གི་སྟོང་བའི་གང་ཟག་ཅིག་ཡིན་ནམ། ལོ་རྒྱུས་སྟེང་གི་དངོས་ཡོད་མི་སྣ་ཞིག་ཡིན་པ་ནི་རྒྱལ་ཁབ་ཕྱི་ནང་གི་ཆེད་མཁས་མི་སྣ་ཀུན་གྱིས་དུས་ཡུན་རིང་བོར་རྩོད་གླེང་རྫོགས་རྒྱུ་“མེད་པར་བྱེད་པའི་གནད་དོན་ཞིག་ཡིན་ལ། ཐེངས་རེ་རེའི་རིག་གཞུང་ཞིབ་འཇུག་གྲོས་ཚོགས་སྟེང་དུ་ཆེད་མཁས་མི་སྣ་ཀུན་གྱིས་ཐུགས་ཁུར་གནང་བཞིན་པའི་གལ་འགངས་ཆེ་བའི་གནད་དོན་ཞིག་ཀྱང་ཡིན། འདི་ཕྱོགས་སུ་རྒྱལ་ཁབ་ཕྱི་ནང་གི་མཁས་པ་རྣམ་པར་བཞེད་པ་མི་མཐུན་པ་འདི་དག་ཡོད་དེ། ཆེད་ལས་མཁས་པ་སྐོར་ཞིག་གི་བསམ་པར། གེ་སར་ཞེས་པའི་སྒྲ་དང་རོ་མའི་རྒྱལ་ཆེན་ཁད་ས(恺撒)ཡི་སྒྲ་གཉིས་འབྲེལ་བ་ཉེ་བར་བརྟེན། གེ་སར་མཆོག་ནི་རྒྱལ་ཆེན་ཁད་ས་ཞེས་པ་གཞིར་བཟུང་ནས་སྒྱུ་རྩལ་གྱི་གཟུགས་བརྙན་བཞེངས་སྐྲུན་བྱས་པའི་ལྟ་ཚུལ་བཏོན། ཕྱི་གླིང་བའི་ལྟ་ཚུལ་འདི་ཆེས་སྔ་བ་ནི་ཧྥ་རན་སུའི་ཆེད་ལས་མཁས་པ་ཧྲི་ཐེ་ཨེན་གྱིས་བཏོན། ཁ་ཅིག་གིས་གེ་སར་ལྷ་ཁང་ལ་ཀོན་ཡུན་ཁྲང་ལྷ་ཁང་ཞེས་འབོད་པ་དང་ཀོན་ཡུན་ཁྲང་གི་སྐུ་བརྙན་ཡང་་་བཞེངས་ཡོད་སྟབས། གེ་སར་མཆོག་ནི་ཀོན་ཡུན་ཁྲང་དང་གཅིག་མཚུངས་ཡིན་པར་འདོད་པའི་ལྟ་ཚུལ་འདི་ནི་སྐུ་ཞབས་རེན་ནའེ་ཆང(任乃强)སོགས་ཀྱིས་བཏོན། ཡང་བོད་པའི་མཁས་པ་ལ་ལས་གེ་སར་རྒྱལ་པོ་དེ་བོད་རྒྱལ་ཁྲི་སྲོང་ལྡེ་བཙན་ཡིན་པར་འདོད་ལ། ལྟ་ཚུལ་འདི་རྒྱུན་འཛིན་བགྱིད་པའི་ཆེད་ལས་མཁས་པས་བསམ་པར། གེ་སར་མཆོག་གི་གཏམ་རྒྱུད་གཙོ་བོ་དང་བོད་རྒྱལ་ཁྲི་སྲོང་ལྡེ་བཙན་གྱི་མཛད་རྗེས་གཙོ་བོ་དང་ཁྱད་པར་ཆེན་པོ་མ་མཆིས་པས་དང་། ལོ་རྒྱུས་སྙན་རྩོམ་རིང་མོ་ནང་དུ་བརྗོད་པའི་གེ་སར་མཆོག་དང་བོད་རྒྱལ་ཁྲི་སྲོང་ལྡེ་བཙན་གཉིས་ནི་མི་གཅིག་དོན་གཅིག་ཡིན་པར་གསུངས། མི་ཁ་ཅིག་གིས་གེ་སར་མཆོག་ནི་སུང་རྒྱལ་རབས་སྐབས་ཀྱི་བོད་ཀྱི་རྒྱལ་རབས་རྗེས་མ་ཙོང་ཁའི་རྒྱལ་པོའམ་རྒྱལ་སྲས་ཡིན་པར་འདོད། ད་དུང་བོད་ཀྱི་མཁས་པ་ལ་ལས་གེ་སར་མཆོག་ནི་ཟི་ཁྲོན་ཞིང་ཆེན་གྱི་སྡེ་དགེའི་གླིང་ཚང་རྒྱལ་པོའི་མེས་པོ་ཡིན་པར་འདོད་ལ། ལྟ་ཚུལ་འདི་ནི་བོད་ཡོངས་ལ་དར་ཁྱབ་ཤིན་ཏུ་ཆེ། གང་ལྟར་ཀྱང་། གེ་སར་མཆོག་ནི་ལྷའམ་ཡང་ན་མི་ཡིན་པའི་གནད་དོན་འདི་ལ་མི་རྣམས་ཀྱིས་སྤྱི་མཐུན་གྱི་སྡོམ་ཚིག་འགོད་མ་ཐུབ།
-
གླིང་སྒྲུང་གི་གོ་དོན་དང་ཁྱད་ཆོས་བརྗོད་པ། ༣
2018-09-29 21:42:53
གླིང་གེ་སར་རྒྱལ་པོའི་སྒྲུང་ནི་ཚིག་སྦྱོར་བདེ་ཞིང་གསོན་ཉམས་ལྡན་པ་ལ་བརྟེན་ནས། གླིང་གེ་སར་རྒྱལ་པོ་མཆོག་གིས་གླིང་གི་དཔའ་རྟུལ་སུམ་ཅུ་གཙོ་མཛད་པའི་གླིང་དམག་བརྒྱད་ཁྲི་བཞི་སྟོང་སྣ་ཁྲིད་ནས་ཕྱོགས་བཞིའི་དགྲ་བཞི་བཏུལ་བ་དང་རྫོང་ཆེན་བཅོ་བརྒྱད་ཆམ་ལ་ཕབ་པ། རྫོང་ཕྲན་གྲངས་མེད་དབང་དུ་བསྡུས་ཏེ། མི་དམངས་ཀྱི་བདེ་སྐྱིད་དང་རང་དབང་གི་ཆེད་དུ་འབད་འབུངས་ལྷོད་མེད་བགྱིས་པའི་གཏམ་རྒྱུད་ངོ་མཚར་བ་ཞིབ་འབྲི་གནང་ཡོད། གླིང་གེ་སར་རྒྱལ་པོའི་སྒྲུང་ལས་འདི་ལྟར་གསུངས་ཡོད་དེ། “དེ་ཡང་ལྷོ་འཛམ་གླིང་ཕྱོགས་བཞིའི་བདུད་ཆེན་གྱི་དབང་དུ་སོང་ནས། མགོ་ནག་སྐྱེ་རྒུ་ཐམས་ཅད་སྡུག་བསྔལ་གྱི་མུན་པར་ཚུད། སློབ་དཔོན་པད་མས་ལྷ་ཕྲུག་ཐོས་པ་དགའ་འཐབ་རྩོད་འབྱུང་བའི་ཁ་ནོན། གླིང་རུའི་བསྟན་པའི་སྲོག་ཤིང་ལ་མངགས། གེ་སར་མཆོག་གིས་ཕྱོགས་བཞིའི་དགྲ་བཞི་དང་རྫོང་ཆེན་བཅོ་བརྒྱད་ཕབ་སྟེ། མགོ་ནག་མི་ཡུལ་ལ་བདེ་སྐྱིད་ཉི་མ་ཤར་བ་ལྟར་མཛད་”ཅེས་བྲིས་འདུག མདོར་བསྟན་ན། གེ་སར་མཆོག་མི་ཡུལ་དུ་བྱོན་པའི་དམིགས་ཡུལ་ནི་བཙན་པོ་གཉའ་ནས་གནོན་པ། གཉོམ་ཆུང་མཐའ་ནས་སྐྱོང་བ། ཁམས་གསུམ་བདེ་ལ་འགོད་རྒྱུ་འདི་ཡིན་ཞིང་། དེ་ནི་ལོ་རྒྱུས་སྙན་རྩོམ་རིང་མོ་འདིའི་བརྗོད་བྱ་གཙོ་བོ་ཡང་ཡིན་ཟེར་ཆོག དེའི་ཕྱིར་《བདུད་འདུལ་)ནང་དུ་གེ་སར་མཆོག་གིས་གསུང་དོན། “ང་འགྲོ་དྲུག་འདྲེན་པའི་བླ་མ་ཡིན། ། མུན་པ་སེལ་བའི་སྒྲོན་མེ་ཡིན། །དགྲ་དགུ་འཇོམས་པའི་དཔའ་བོ་ཡིན། ། མགོན་ཨོ་རྒྱན་པདྨའི་རྒྱལ་ཚབ་ཡིན། ། བན་ཤཱཀྱའི་བསྟན་པ་སྤེལ་མི་ཡིན། །”ཞེས་བརྗོད་ཡོད།
-
གླིང་སྒྲུང་གི་གོ་དོན་དང་ཁྱད་ཆོས་བརྗོད་པ། ༢
2018-09-29 21:46:48
བོད་གངས་ཅན་གྱི་དཔའ་བོའི་ལོ་རྒྱུས་སྙན་རྩོམ་རིང་མོ་གླིང་གེ་སར་རྒྱལ་པོའི་སྒྲུང་ནི་གནའ་ནས་ད་བར་དུ་དར་ཁྱབ་ཀྱི་རྒྱ་ཁྱོན་ཆེས་ཆེ་བའི་རྩོམ་རིག་བརྩམས་ཆོས་ཤིག་ཡིན། བོད་ཀྱི་ཁ་དཔེར་བོད་མི་རེའི་ཁ་ནས་སྒྲུང་རེ་ཟེར་བ་འདི་སྤྱིར་སྒྲོ་བཏགས་ཀྱི་གྲུབ་ཆ་ཅུང་མང་ན་ཡང་འདི་ལས་གླིང་གེ་སར་རྒྱལ་པོའི་སྒྲུང་ནི་བོད་རིགས་མི་དམངས་ཁྲོད་དུ་དར་ཁྱབ་ཀྱི་རྒྱ་ཁྱོན་ཤིན་ཏུ་ཆེ་བ་གསལ་བཤད་གང་ལེགས་གནང་འདུག
-
བོད་ཀྱི་གསོ་བ་རིག་པའི་སྨྱན་མང་རིག་མཛོད།
2018-06-12 20:21:31
བོད་ཀྱི་གསོ་བ་རིག་པ་ནི་༢༠༠༦ལོར་རྒྱལ་སྲིད་སྤྱི་ཁྱབ་ཁང་གིས་མཆོག་མཆན་ཐོབ་ནས་ཁག་དང་པོའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་རྒྱུད་འཛིན་མིང་ཐོའི་ནང་ཚུད་ཡོད།
-
གེ་སར་སྒྲུང་གི་སྨྱན་མང་རིག་མཛོད།
2018-06-12 20:15:27
གེ་སར་སྒྲུང་ནི་བོད་ཀྱི་དམངས་ཁྲོད་གཏམ་གླུ་སྤེལ་མའི་དཔའ་བོའི་ལོ་རྒྱུས་མཚོན་བྱེད་ཅིག་ཡིན། ༢༠༠༦ལོའི་ཟླ་བ་༥པའི་ཚེས་༢༠ཉིན་རྒྱལ་སྲིད་སྤྱི་ཁྱབ་ཁང་གིས་མཆོག་མཆན་ཐོབ་ནས་ཁག་དང་པོའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་རྒྱུད་འཛིན་མིང་ཐོའི་ནང་ཚུད་ཡོད། ༢༠༠༩ལོའི་ཟླ་བ་༩་པའི་ནང་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་༼མིའི་རིགས་ཀྱི་ངག་རྒྱུན་དང་དངོས་མིན་ཤུལ་བཞག་རིག་གནས་རྒྱུད་འཛིན་གྱི་མཚོན་བྱེད་རྩོམ་ཡིག་༽མིང་ཐོའི་ནང་ཚུད་ཡོད།
-
བོད་ཀྱི་དམངས་ཁྲོད་གླུ་གར་རིག་མཛོད།
2018-06-12 20:09:33
བོད་ཀྱི་དམངས་ཁྲོད་གླུ་གར་རིག་མཛོད་ནི་རྒྱལ་ཡོངས་རིག་གནས་ཆ་འཕྲིན་ཐོན་ཁུངས་མཉམ་སྤྱོད་ལས་གཞིའི་བོད་ལྗོངས་ཡན་ལག་ལྟེ་གནས་ཀྱིས་༢༠༠༨ལོར་འཛུགས་སྐྲུན་བྱས་པའི་ས་གནས་ཁྱད་ལྡན་ཐོན་ཁུངས་རྣམ་གྲངས་ཤིག་ཡིན། ལས་གཞི་འདིར་སྒྲ་དང་བརྙན་གཟུགས། པར་རིས་སོགས་ཀྱི་ལམ་ནས་བོད་ཀྱི་གླུ་གར་གཞུང་ལུགས་ཇི་ལྟར་ཆགས་ཚུལ། བོད་ཀྱི་ཐུན་མིན་གྱི་གླུ་གར་གྱི་ནང་དོན་དང་འཁྲབ་རྩལ་སོགས་ལེགས་པར་བཤད་ཡོད། རྣམ་གྲངས་འདིར་ཁྱོན་ཞབས་བྲོ་ལེའུ་༢༢དང་ཆེད་དོན་པར་གཞི་༡ པར་རིས་༧༧༠ལྷག ཡིག་འབྲུ་ཁྲི་༢༣ལྷག་ཡོད།
-
བོད་ལྗོངས་དཔེ་མཛོད་ཁང་གི་ཕུལ་བྱུང་རིག་གནས་ཆ་འཕྲིན་ཐོན་ཁུངས་རིན་པ་མི་དགོས་པར་མཉམ་སྤྱོད་བྱས་ཆོག་པ།
2018-04-19 19:48:08
མིག་སྔར། བོད་ལྗོངས་དཔེ་མཛོད་ཁང་གིས་ལྷ་སར"ངའི་བཀྲ་ཤིས་པའི་རིག་གནས་ལོ"ཞེས་པ་བརྗོད་བྱ་གཙོ་བོར་བྱས་པའི་བོད་ལྗོངས་སྤྱི་པའི་གྲངས་འཛིན་རིག་གནས་འགྲེམས་སྟོན་གཉེར་བ་རེད། གསར་འགོད་པས་འགྲེམས་སྟོན་ནས་ཤེས་རྟོགས་བྱུང་གསལ་དུ། མིག་སྔའི་བར། བོད་ལྗོངས་དཔེ་མཛོད་ཁང་གིས་བོད་ལྗོངས་ཡོངས་ཀྱི་ཁྱབ་ཁོངས་ནང་རིན་པ་མི་དགོས་པར་ཕུལ་བྱུང་རིག་གནས་ཆ་འཕྲིན་གྱི་ཐོན་ཁུངས་མཉམ་སྤྱོད་མངོན་འགྱུར་བྱས་ཡོད་ཅིང་། བོད་ལྗོངས་དཔེ་མཛོད་ཁང་དུ་བཙུགས་པའི་རྒྱལ་ཡོངས་ཀྱི་རིག་གནས་ཆ་འཕྲིན་ཐོན་ཁུངས་མཉམ་སྤྱོད་ལས་གཞི་བོད་ལྗོངས་ཡན་ལག་ལྟེ་གནས་དེ་བོད་ལྗོངས་ཡོངས་ཀྱི་སྤྱི་པའི་རིག་གནས་གྲངས་གཞི་ཅན་དུ་ཞབས་འདེགས་ཞུ་བའི་ནུས་ཤུགས་གཙོ་བོ་དང་སྣེ་ཁྲིད་པར་གྱུར་པ་རེད།
-
བོད་ལྗོངས་དཔེ་མཛོད་ཁང་གི་དམངས་ཡོངས་དཔེ་ཀློག་ལ་སྐུལ་བའི་གྲོས་འདོན་ཡི་གེ
2018-04-17 23:13:06
དཔེ་དེབ་ནི་མིའི་རིགས་ཡར་རྒྱས་སུ་འགྲོ་བའི་ཐེམ་སྐས་ཡིན། དཔེ་དེབ་ཀྱི་ནང་དུ་བདེན་དོན་གྱི་འབོད་སྐུལ་ཡོད་ལ། ཤེས་རབ་ཀྱི་འོད་སྣང་དང་། བརྩེ་སེམས་ཀྱི་རྟིང་སྐུལ་ཡང་ཡོད། དཔེ་དེབ་ཀྱིས་ང་ཚོར་ཤེས་རྟོགས་ཀྱི་ནམ་འཕང་གཅོད་པའི་བསམ་གཞིག་གི་གཤོག་ཟུང་སྩོལ་ལ། མི་ཚེ་ཡི་བཞུད་ལམ་བགྲོད་པའི་རྒྱགས་ཕྱེ་དང་ལམ་སྟོན་ཡང་གནང་ཡོང་།
