བོད་ལྗོངས་གྲངས་འགྱུར་རིག་གནས་དྲ་ངོས་སུ་ཕེབས་པར་དགའ་བསུ་ཞུ།
བོད་ལྗོངས་ཀྱི་སྤྱི་ཚོགས་ལས་རིགས་སོ་སོ་ནས་ཡོང་བའི་ཀློག་པ་པོ་རྣམས་བོད་ལྗོངས་དཔེ་མཛོད་ཁང་དུ་ལྷན་འཛོམས་བྱུང་ནས། སྒྲུང་གཏམ་བཤད་པ་དང་། གསུང་རབ་གྱེར་འདོན། དཔེ་ཀློག་གི་མྱོང་ཚོར་གླེང་བ་བཅས་བྱས་ནས་མཉམ་དུ་འཛམ་གླིང་གི་དཔེ་ཀློག་ཉིན་མོར་བསུ་བཞིན་ཡོད།
ཟླ4བའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་རེད། འདི་ནི་ནག་ཆུ་དམིགས་བསལ་སློབ་གྲྭའི་སློབ་མས་བོད་ལྗོངས་དཔེ་མཛོད་ཁང་དུ་ལོང་ཡིག་དཔེ་ཀློག་བྱེད་བཞིན་པའི་ཚུལ་རེད།（ཟླ4བའི་ཚེས21ཉིན་པར་བླངས） འདི་ནི་ལྷ་ས་གྲོང་ཁྱེར་ཚོད་ལྟའི་སློབ་ཆུང་གི་སློབ་རིམ་གསུམ་པའི་སློབ་མས་བོད་ལྗོངས་དཔེ་མཛོད་ཁང་དུ་སྲོལ་རྒྱུན་པར་འདེབས་ལག་རྩལ་རོལ་མྱོང་བྱེད་བཞིན་པའི་ཚུལ་རེད།
རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་དང་བོད་རང་སྐྱོང་ལྗོངས་རིག་གནས་ཐིང་གཉིས་ཀྱི་སྤྱིའི་བཀོད་སྒྲིག་ལ་གཞིགས་པ་དང་། བོད་ལྗོངས་དཔེ་མཛོད་ཁང་༼ རང་སྐྱོང་ལྗོངས་གནའ་དཔེ་སྲུང་སྐྱོབ་ལྟེ་གནས་༽ གི་གནའ་དཔེ་ཡོངས་བཤེར་དང་ཐོ་འགོད་ལས་དོན་གྱི་ཞིབ་ཕྲའི་བཀོད་སྒྲིག་ལྟར། ༢༠༡༨་ལོའི་ཟླ་༩་ཚེས་༥་ཉིན། བོད་ལྗོངས་དཔེ་མཛོད་ཁང་དང་ནོར་བུ་གླིང་ག་དོ་དམ་ཁྲུའུ་གཉིས་ཀྱིས་མཉམ་འབྲེལ་ཐོག་ནོར་བུ་གླིང་གའི་གནའ་དཔེ་ཡོངས་བཤེར་གྱི་ལས་དོན་སྤེལ་འགོ་ཚུགས་པ་རེད། ཡོངས་བཤེར་གྱི་ལས་དོན་དེ་གོ་རིམ་ལྡན་པ་དང་ནུས་ལྡན་ངང་སྐུལ་འདེད་གཏོང་ཆེད། ལྗོངས་དཔེ་མཛོད་ཁང་དང་ནོར་བུ་གླིང་ག་དོ་དམ་ཁྲུའུ་ཡིས་ཆེད་དོན་ཚོགས་འདུ་ཐེངས་མང་པོར་ཚོགས་ནས། ནོར་བུ་གླིང་གའི་གནའ་དཔེ་ཡོངས་བཤེར་ལས་དོན་གྱི་ལག་བསྟར་ཇུས་གཞི་ཞིབ་འཇུག་དང་གཏན་འབེབས་བྱས་ཏེ། ཡོངས་བཤེར་གྱི་དུས་ཚོད་དང་ཁྱབ་ཁོངས་ཁ་གསལ་བཟོས་པ་རེད། དེ་བཞིན་སྟོབས་ཤུགས་ཧྲག་པོ་སྒྲིག་འཛུགས་བྱས་ཏེ་མཉམ་འབྲེལ་ཐོག་ཡོངས་བཤེར་གྱི་ཚོགས་ཆུང་ཞིག་བཙུགས་པ་དང་། ཡོངས་བཤེར་གྱི་གཞི་གྲངས་དོ་དམ་དང་། གྲུབ་འབྲས་བེད་སྤྱོད། རིག་དངོས་ཀྱི་བདེ་འཇགས་འགན་ལེན་བྱ་རྒྱུ་སོགས་ཀྱི་ལས་དོན་གྱི་ལམ་སྲོལ་ཡང་བཙུགས་ནས། ནོར་བུ་གླིང་གའི་བོད་ཡིག་གནའ་དཔེ་ཡོངས་བཤེར་དང་ཐོ་འགོད་ཀྱི་གྲོས་མཐུན་ཡི་གེའི་ཐོག་མིང་རྟགས་ཀྱང་བཀོད་པ་རེད།
