བོད་ལྗོངས་གྲངས་འགྱུར་རིག་གནས་དྲ་ངོས་སུ་ཕེབས་པར་དགའ་བསུ་ཞུ།
  • བོད་ལྗོངས་དཔེ་མཛོད་ཁང་གི་གསར་སྤེལ་རིག་རྫས་ཀྲུང་གོའི་སྒྱུ་རྩལ་དུས་ཆེན་གྱི་རིག་གནས་ཐོན་རྫས་དངོས་མང་འགྲེམས་ཚོགས་སུ་འགྲེམས་སྟོན་བྱས་པ།

    2019-06-05 20:47:17

    སྤྱི་ཟླ་5པའི་ཚེས་22ཉིན།༼ཀྲུང་གོའི་སྒྱུ་རྩལ་དུས་ཆེན་སྐབས་བཅུ་གཉིས་པའི་འཁྲབ་སྟོན་དང་རིག་གནས་གསར་སྤེལ་ཐོན་རྫས་དངོས་མང་འགྲེམས་ཚོགས་༽དེ་ཧྲང་ ཧའེ་འགྲེམས་སྟོན་ལྟེ་གནས་སུ་བདེ་བླག་ངང་མཇུག་སྒྲིལ་བ་རེད།

  • བོད་ལྗོངས་ཀྱིས་འཛམ་གླིང་དཔེ་ཀློག་ཉིན་མོའི་བྱ་འགུལ་སྤེལ།

    2019-05-09 21:14:01

    ཟླ4བའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་རེད། འདི་ནི་ནག་ཆུ་དམིགས་བསལ་སློབ་གྲྭའི་སློབ་མས་བོད་ལྗོངས་དཔེ་མཛོད་ཁང་དུ་ལོང་ཡིག་དཔེ་ཀློག་བྱེད་བཞིན་པའི་ཚུལ་རེད།(ཟླ4བའི་ཚེས21ཉིན་པར་བླངས) འདི་ནི་ལྷ་ས་གྲོང་ཁྱེར་ཚོད་ལྟའི་སློབ་ཆུང་གི་སློབ་རིམ་གསུམ་པའི་སློབ་མས་བོད་ལྗོངས་དཔེ་མཛོད་ཁང་དུ་སྲོལ་རྒྱུན་པར་འདེབས་ལག་རྩལ་རོལ་མྱོང་བྱེད་བཞིན་པའི་ཚུལ་རེད།

  • ང་ཚོས་འདི་ལྟར་དཔེ་དེབ་ཉིན་མོར་རོལ་བར་བྱ།

    2019-04-03 20:42:46

    དེ་རིང་ནི་“རྒྱལ་སྤྱིའི་བྱིས་པའི་དཔེ་དེབ་ཉིན་མོ་”ཡིན་ལ། ཉིན་མོ་དེ་ནི་ཏེན་མག་རྒྱལ་ཁབ་གྱི་བྱིས་པའི་རྩོམ་རིག་མཁས་ཅན་ཨན་ཐུའུ་ཧྲེང་གི་འཁྲུངས་སྐར་ལས་བྱུང་བ་ཞིག་རེད། དེའི་དམིགས་ཡུལ་ནི་མི་རྣམས་ཀྱི་དཔེ་ཀློག་གི་སྤྲོ་བ་དང་བྱིས་པའི་དཔེ་དེབ་ལ་དོ་འཁུར་བྱེད་པར་འབོད་སྐུལ་བྱ་རྒྱུ་དེ་རེད།

  • རྒྱལ་ཡོངས་གནའ་དཔེ་གཙོ་གནད་སྲུང་སྐྱོབ་སྡེ་ཚན། ནོར་བུ་གླིང་གའི་གནའ་དཔེ་ཡོངས་བཤེར་ལས་དོན་ལ་སྐུལ་འདེད་ཏན་ཏིག་བཏང་བ།

    2019-03-08 13:09:42

    རྒྱལ་ཁབ་གནའ་དཔེ་སྲུང་སྐྱོབ་ལྟེ་གནས་དང་བོད་རང་སྐྱོང་ལྗོངས་རིག་གནས་ཐིང་གཉིས་ཀྱི་སྤྱིའི་བཀོད་སྒྲིག་ལ་གཞིགས་པ་དང་། བོད་ལྗོངས་དཔེ་མཛོད་ཁང་༼ རང་སྐྱོང་ལྗོངས་གནའ་དཔེ་སྲུང་སྐྱོབ་ལྟེ་གནས་༽ གི་གནའ་དཔེ་ཡོངས་བཤེར་དང་ཐོ་འགོད་ལས་དོན་གྱི་ཞིབ་ཕྲའི་བཀོད་སྒྲིག་ལྟར། ༢༠༡༨་ལོའི་ཟླ་༩་ཚེས་༥་ཉིན། བོད་ལྗོངས་དཔེ་མཛོད་ཁང་དང་ནོར་བུ་གླིང་ག་དོ་དམ་ཁྲུའུ་གཉིས་ཀྱིས་མཉམ་འབྲེལ་ཐོག་ནོར་བུ་གླིང་གའི་གནའ་དཔེ་ཡོངས་བཤེར་གྱི་ལས་དོན་སྤེལ་འགོ་ཚུགས་པ་རེད། ཡོངས་བཤེར་གྱི་ལས་དོན་དེ་གོ་རིམ་ལྡན་པ་དང་ནུས་ལྡན་ངང་སྐུལ་འདེད་གཏོང་ཆེད། ལྗོངས་དཔེ་མཛོད་ཁང་དང་ནོར་བུ་གླིང་ག་དོ་དམ་ཁྲུའུ་ཡིས་ཆེད་དོན་ཚོགས་འདུ་ཐེངས་མང་པོར་ཚོགས་ནས། ནོར་བུ་གླིང་གའི་གནའ་དཔེ་ཡོངས་བཤེར་ལས་དོན་གྱི་ལག་བསྟར་ཇུས་གཞི་ཞིབ་འཇུག་དང་གཏན་འབེབས་བྱས་ཏེ། ཡོངས་བཤེར་གྱི་དུས་ཚོད་དང་ཁྱབ་ཁོངས་ཁ་གསལ་བཟོས་པ་རེད། དེ་བཞིན་སྟོབས་ཤུགས་ཧྲག་པོ་སྒྲིག་འཛུགས་བྱས་ཏེ་མཉམ་འབྲེལ་ཐོག་ཡོངས་བཤེར་གྱི་ཚོགས་ཆུང་ཞིག་བཙུགས་པ་དང་། ཡོངས་བཤེར་གྱི་གཞི་གྲངས་དོ་དམ་དང་། གྲུབ་འབྲས་བེད་སྤྱོད། རིག་དངོས་ཀྱི་བདེ་འཇགས་འགན་ལེན་བྱ་རྒྱུ་སོགས་ཀྱི་ལས་དོན་གྱི་ལམ་སྲོལ་ཡང་བཙུགས་ནས། ནོར་བུ་གླིང་གའི་བོད་ཡིག་གནའ་དཔེ་ཡོངས་བཤེར་དང་ཐོ་འགོད་ཀྱི་གྲོས་མཐུན་ཡི་གེའི་ཐོག་མིང་རྟགས་ཀྱང་བཀོད་པ་རེད།

  • ཕྲིན་བཟང་། བོད་རང་སྐྱོང་ལྗོངས་ཀྱི་བྲག་གཡབ་དང་། འཇོ་མདའ། གོ་འཇོ་སོགས་རྫོང་གསུམ་གྱི་གནའ་དཔེ་ཡོངས་བཤེར་གྱི་ལས་ཀ་མཇུག་བསྒྲིལ་ཡོད།

    2018-11-12 21:30:07

    ཕྲིན་བཟང་། བོད་རང་སྐྱོང་ལྗོངས་ཀྱི་བྲག་གཡབ་དང་། འཇོ་མདའ། གོ་འཇོ་སོགས་རྫོང་གསུམ་གྱི་གནའ་དཔེ་ཡོངས་བཤེར་གྱི་ལས་ཀ་མཇུག་བསྒྲིལ་ཡོད།

  • བསྟན་འཛིན་ལགས་ཀྱིས་བོད་ལྗོངས་དཔེ་མཛོད་ཁང་གི་ལྗོངས་བཙོན་ཁང་ཡན་ལག་མཛོད་ཁང་ལ་ཆ་བསྐུར་བ།

    2018-11-01 22:31:59

    བསྟན་འཛིན་ལགས་ཀྱིས་བོད་ལྗོངས་དཔེ་མཛོད་ཁང་གི་ལྗོངས་བཙོན་ཁང་ཡན་ལག་མཛོད་ཁང་ལ་ཆ་བསྐུར་བ། ད་ལོའི་ཟླ་༤པར་བོད་ལྗོངས་དཔེ་མཛོད་ཁང་གིས་དཔེ་ཀློག་ཞབས་ཞུའི་ཁྱབ་ཁོངས་རྒྱ་བསྐྱེད་ཆེད་དང་། བཙོན་ཁང་དུ་ཁྲིམས་ཆད་འཁུར་བཞིན་པའི་མིའི་དཔེ་ཀློག་གི་དགོས་མཁོ་སྐོང་ཐབས་ལ་དམིགས་ནས། རང་སྐྱོང་ལྗོངས་བཙོན་ཁང་དུ་བོད་ལྗོངས་དཔེ་མཛོད་ཁང་གི་ཡན་ལག་མཛོད་ཁང་ཞིག་གསར་འཛུགས་བྱས་ཏེ། དེར་རྩོམ་རིག་དང་། ལག་རྩལ། སློབ་གསོ། ལོ་རྒྱུས། བདེ་ཐང་། ཚིག་མཛོད་སོགས་རིགས་མི་འདྲ་བ་ཉེར་གཅིག་གི་དཔེ་དེབ་༣༠༠༠ལྷག་འདོན་སྤྲོད་བྱས་ཡོད། ད་ལོའི་ཟླ་༨པར་དེ་སྔའི་བོད་རང་སྐྱོང་ལྗོངས་དང་ཡུན་ནན་ཞིང་ཆེན་གྱི་ཏང་ཨུད་ཧྲུའུ་ཅི་གཞོན་པ། ཀྲུང་གོའི་རྩོམ་པ་པོ་མཐུན་ཚོགས་ཀྱི་མཚན་འཛིན་ཀྲུའུ་ཞི་གཞོན་པ་བསྟན་འཛིན་ལགས་ཀྱིས་བོད་ལྗོངས་དཔེ་མཛོད་ཁང་གི་ལྗོངས་བཙོན་ཁང་ཡན་ལག་མཛོད་ཁང་གསར་དུ་བཙུགས་པར་རྟེན་འབྲེལ་ཞུས་པ་མ་ཟད། ད་དུང་༼འཐུས་ཚང་བའི་དཔེ་མཛོད་ཁང་ནི་དགོས་འདོད་འབྱུང་བའི་གཏེར་མཛོད་ཅིག་དང་གཉིས་སུ་མེད་ལ། དཔེ་དེབ་ནི་བློ་གྲོས་ཀྱི་འོད་སྣང་སྩོལ་བའི་མར་མེ་ཚེ་འབར་དེ་ཡིན་པས། དཔེ་ཀློག་གིས་སུན་སྣང་གི་དུས་དེ་ཡང་དགའ་སྤྲོའི་དུས་ཡུན་ཞིག་ཏུ་བསྒྱུར་ནུས།༽ཞེས་པའི་ཆ་བསྐུར་ཡོང་སྟེ་ཁྲིམས་ཆད་འཁུར་བཞིན་པའི་མི་རྣམས་དཔེ་ཀློག་ལ་གཞོལ་དགོས་པ་དང་། དཔེ་ཀློག་གི་ལམ་ནས་བཙོན་ཁང་ནང་གི་འཚོ་བ་བསྐྱལ་ཏེ་རང་ཉིད་ཀྱི་མི་ཚེ་ལ་འགྱུར་ལྡོག་གཏོང་དགོས་པའི་སྐུལ་ལྕག་གནང་། ལྗོངས་བཙོན་ཁང་ཡན་ལག་མཛོད་ཁང་གི་དཔེ་ཀློག་ཁྱབ་གདལ་གྱི་བྱེད་སྒོ་ཕུན་སུམ་ཚོགས་པོར་གཏོང་ཆེད། ཉེ་ཆར་བོད་ལྗོངས་དཔེ་མཛོང་ཁང་གིས་དཔེ་ཀློག་ཁྱབ་གདལ་པ་ཐུབ་བསྟན་ཕུན་ཚོགས་ལགས་གདན་འདྲེན་ཞུས་ཏེ། བོད་ལྗོངས་དཔེ་མཛོད་ཁང་གི་འཆད་ཁྲིད་མུན་སེལ་སྒྲོན་མེའི་འཆད་སྟེགས་བཙོན་ཁང་དུ་བསྐྱོད་པ་དང་། ཆབས་ཅིག་ཁྲིམས་ཆད་འཁུར་བཞིན་པའི་མིས་དཔེ་དེབ་ཡག་པོ་གཅིག་བཀླགས་ཏེ་རང་ཉིད་ཀྱི་འགྱུར་ལྡོག་གླེང་བ་ཞེས་པའི་དཔེ་ཀློག་མྱོང་ཚོར་བརྗོད་པའི་བཞུགས་མོལ་ཚོགས་འདུ་ཞིག་ཀྱང་ཚོགས། ཐུབ་བསྟན་ཕུན་ཚོགས་ལགས་ཀྱི་ཡིད་དབང་འགུག་པའི་གཏམ་བཤད་དང་དཔེ་ཀློག་གི་མྱོང་ཚོར་ཟབ་མོས་ཁྲིམས་ཆད་འཁུར་བཞིན་པའི་མི་རྣམས་ལ་སེམས་འགུལ་དྲག་པོ་ཐེབས་པ་དང་། ཁོ་ཚོའི་དཔེ་ཀློག་ལ་བརྟེན་ནས་རང་ཉིད་ཀྱི་མི་ཚེའི་ལྟ་བ་དང་། འཇིག་རྟེན་ལྟ་བ། རིན་ཐང་ལྟ་བ་ཡང་དག་པ་ཞིག་འཛུགས་རྒྱུའི་ཆོད་སེམས་ཀྱང་ཇེ་བརྟན་དུ་སོང་།

  • ཚེ་རིང་ལགས་དང་ཁོང་གི་རྒྱལ་ཁ།

    2018-11-01 22:33:18

    བོད་ལྗོངས་ཀྱི་འཐུས་མི་ཚེ་རིང་ལགས་ལ་རྒྱལ་ཡོངས་ལོང་བའི་གཏམ་བཤད་འགྲན་བསྡུར་ཁྲོད་ཕུལ་བྱུང་གི་གྲུབ་འབྲས་ཐོབ་ཡོད།

  • དཔེ་ཀློག་ཁྱབ་གདལ་གྱི་ཞབས་ཞུ་བོད་བྱང་ཐང་གི་རྩྭ་ཐང་དུ་སྤེལ་བ།

    2018-10-25 08:40:04

    དམངས་ཡོངས་ཀྱི་དཔེ་ཀློག་དར་སྤེལ་གཏོང་བ་དང་བོད་ལྗོངས་ཀྱི་སྤྱི་པའི་གྲངས་འཛིན་རིག་གནས་འཛུགས་སྐྲུན་དང་ཉེར་སྤྱོད་གྲུབ་འབྲས་འགྲེམས་སྟོན་བྱ་ཆེད། ཉེ་ཆར། བོད་ལྗོངས་དཔེ་མཛོད་ཁང་དང་ནག་ཆུ་གྲོང་ཁྱེར་དཔལ་མགོན་རྫོང་རིག་གནས་ཅུས། བོད་ལྗོངས་དཔེ་མཛོད་ཁང་ཟབ་་མོ་དགོན་ཡན་ལག་ཁང་བཅས་ཀྱིས་མཉམ་དུ་ནག་ཆུའི་རྒྱ་ཆེའི་འབྲོག་པར་ཁ་ཕྱོགས་ནས“ཨ་ཅག་གིས་སྒྲུང་གཏམ་བཤད་པ་འབྲོག་ཁྱིམ་དུ་བསྐྱོད”ཞེས་པ་དང“ཕུལ་བྱུང་གྲངས་འཛིན་རིག་གནས་དགོན་སྡེར་བསྐྱོད”ཞེས་པ་སོགས་ཀྱི་བྱེད་སྒོ་སྤེལ་ཡོད།

  • ཚེ་རིང་ལགས། ང་ཚོ་ནི་ཁྱེད་ཀྱི་ཞུམ་མེད་ཀྱི་རྒྱབ་རྩ་ཡིན།

    2018-10-15 21:55:14

    ཚེ་རིང་ལགས། ཁྱེད་ནི་བོད་ལྗོངས་ལོང་བའི་སྐུ་ཚབ་ཡིན་ལ་ང་ཚོའི་སྤོབས་པ་ཡང་ཡིན། ང་ཚོས་ནམ་ཡང་ཁྱེད་ལ་རྒྱབ་སྐྱོར་དང་སློབ་སྦྱོང་ཞུ། བཞུགས་མོལ་བྱེད་སྒོའི་ཁྲོད་ལོང་བའི་གྲོགས་པོ་ཚོས་ཚེ་རིང་ལགས་ནི་ཁོང་ཚོའི་སྤོབས་པ་དང་སློབ་སྦྱོང་ཞུ་ཡུལ་ཞིག་ཡིན་པའི་གདེང་འཇོག་དང་། ད་དུང་དཔེ་ཀློག་གིས་མི་ཚེའི་ཁ་ལོ་བསྒྱུར་བ་དང་། དཔེ་ཀློག་གིས་རང་མཐོང་དང་འོད་སྣང་སྦྱིན་སོགས་ཀྱི་གླེང་མོང་བྱུང་ཡོད་ལ། ཐ་ན་གཞི་རིམ་དུ་ལོང་བར་ཡིག་རྨོངས་སེལ་ཐབས་ཀྱི་ཞབས་ཞུ་དང་བསམ་འཆར། ཇི་ལྟར་བྱས་ནས་དེང་རབས་ཀྱི་ལག་རྩལ་སྤྱད་དེ་ལོང་བའི་དཔེ་ཀློག་གི་ནུས་པ་མཐོར་འདེགས་གཏོང་བ་སོགས་ཀྱི་སྐོར་ལའང་གླེང་མོང་བྱུང་ཡོད།

  • རྒྱལ་སྟོན་ཉིན་མོར་ཚངས་དབྱངས་གླིང་སྒྲུང་ལེ་ཚན་གཏོང་འགོ་ཚུགས་པ།

    2018-10-01 21:50:36

    སྤྱི་ཟླ༡༠པའི་ཚེས༡ཉིན། བོད་ལྗོངས་མི་དམངས་ཀུན་ཁྱབ་རླུང་འཕྲིན་ལས་ཁུངས་དང་བོད་ལྗོངས་དཔེ་མཛོད་ཁང་གིས་མཉམ་གཉེར་བྱས་པའི་ཚངས་པའི་དབྱངས་ཞེས་པའི་གླིང་སྒྲུང་ལེ་ཚན་གཏོང་འགོ་ཚུགས་པའི་མཛད་སྒོ་བོད་ལྗོངས་མི་དམངས་ཀུན་ཁྱབ་རླུང་འཕྲིན་ལས་ཁུངས་སུ་འཚོགས་པ་རེད།

  • དཔའ་བོའི་ལོ་རྒྱུས་ཕྱོགས་ཀྱི་བུ་མོར་སྒྲན། དགའ་བའི་ཞབས་བྲོ་རྒྱལ་ཚུགས་ཉིན་མོར་འཁྲབ།

    2018-10-01 21:31:28

    བོད་ལྗོངས་མི་དམངས་རླུང་འཕྲིན་ལས་ཁུངས་ཀྱིས་རིག་གནས་མཉམ་རོལ་ལས་གྲྭའི་༼དྲི་ཟའི་སྙན་དབྱངས་༽ཞེས་པའི་གླིང་སྒྲུང་ཐོན་ཁུངས་གཏོང་འགོ་ཚུགས་པའི་མཛད་སྒོ།

  • བོད་ལྗོངས་དཔེ་མཛོད་ཁང་གིས་གྲོང་ཚོར་བཅའ་སྡོད་ས་ཚིགས་སུ་༼ཏང་གི་ཉིན་མོ་༽ཞེས་པའི་བརྗོད་དོན་གཙོ་བོའི་བྱེད་སྒོ་སྤེལ།

    2018-07-03 20:37:59

    ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་༩༧འཁོར་བར་དྲན་གསོ་ཞུ་ཆེད་དང་ཏང་ཡོན་ལས་བྱེད་པའི་རྒྱལ་གཅེས་རིང་ལུགས་ཀྱི་བསམ་བློའི་གོ་རྟོགས་སྔར་བས་གོང་མཐོར་གཏོང་ཆེད། བོད་ལྗོངས་དཔེ་མཛོད་ཁང་གི་ཏང་ཀྲི་པུའུ་གཉིས་པ་དང་བོད་ལྗོངས་དཔེ་མཛོད་ཁང་བཅའ་སྡོད་གཞིས་ཀ་རྩེ་གྲོང་ཁྱེར་ལྷ་རྩེ་རྫོང་ར་ས་ཤང་བྲག་འོག་གྲོང་ཚོའི་ལས་དོན་རུ་ཁག་ལྷན་དུ་གྲོང་ཚོའི་བཅའ་སྡོད་ས་ཚིགས་སུ་༼ཏང་གི་ཉིན་མོ་༽ཞེས་པའི་བརྗོད་དོན་གཙོ་བོར་བྱས་པའི་དཔེ་དེབ་འབུལ་བའི་བྱེད་སྒོ་སྤེལ་བ་རེད།

  • བོད་ཡིག་གནའ་དཔེའི་རྣམ་བཤད་པར་དུ་བསྐྲུན་པ།

    2018-06-24 14:08:50

    བོད་ཡིག་གནའ་དཔེའི་རྣམ་བཤད་ཅེས་པའི་དཔེ་དེབ་དེ་ནི་སྔོན་གྱི་མཁས་པ་གོང་མ་རྣམས་ཀྱི་གནའ་དཔེའི་སྐོར་གྱི་ཞིབ་འཇུག་འབྲས་བུར་རྩོམ་གདན་བཅོལ་ཏེ་དེང་གི་གནའ་དཔེ་རིག་པའི་གཞུང་ལུགས་དང་གོ་བསྟུན་ནས་བརྩམས་པའི་བོད་ཡིག་གནའ་དཔེ་རིག་པའི་སྐོར་གྱི་དཔེ་དེབ་ཅིག་ཡིན།

  • བོད་ཀྱི་བཟོ་རིག་ལག་ཤེས་ཀུན་འདུས་ལས་ཐང་གའི་སྒྱུ་རྩལ་གྱི་སྨྱན་མང་རིག་མཛོད།

    2018-06-12 20:37:59

    བོད་ཀྱི་ཐང་གའི་སྒྱུ་རྩལ་ནི་༢༠༠༦ལོར་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་ཤུལ་བཞག་རིག་གནས་མིང་ཐོའི་ནང་ཚུད་ཡོད།

  • གེ་སར་སྒྲུང་གི་སྨྱན་མང་རིག་མཛོད།

    2018-06-12 20:15:27

    གེ་སར་སྒྲུང་ནི་བོད་ཀྱི་དམངས་ཁྲོད་གཏམ་གླུ་སྤེལ་མའི་དཔའ་བོའི་ལོ་རྒྱུས་མཚོན་བྱེད་ཅིག་ཡིན། ༢༠༠༦ལོའི་ཟླ་བ་༥པའི་ཚེས་༢༠ཉིན་རྒྱལ་སྲིད་སྤྱི་ཁྱབ་ཁང་གིས་མཆོག་མཆན་ཐོབ་ནས་ཁག་དང་པོའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་རྒྱུད་འཛིན་མིང་ཐོའི་ནང་ཚུད་ཡོད། ༢༠༠༩ལོའི་ཟླ་བ་༩་པའི་ནང་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་༼མིའི་རིགས་ཀྱི་ངག་རྒྱུན་དང་དངོས་མིན་ཤུལ་བཞག་རིག་གནས་རྒྱུད་འཛིན་གྱི་མཚོན་བྱེད་རྩོམ་ཡིག་༽མིང་ཐོའི་ནང་ཚུད་ཡོད།

  • བོད་ཀྱི་གསོ་བ་རིག་པར་རྒྱལ་སྤྱིའི་ཁས་ལེན་ཐོབ་པ།

    2018-06-05 19:54:08

    མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་དྲན་ཤེས་ལས་གཞིའི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་སྐབས་བརྒྱད་པའི་ཐོག བོད་ཀྱི་གསོ་རིག་སྨན་གཞུང་གྲགས་ཅན་༼རྒྱུད་བཞི་༽ཉིད་འཛམ་གླིང་དྲན་ཤེས་ཞེས་པའི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་མིང་ཐོའི་ཁྲོད་བདམས་འདུག

  • བོད་ལྗོངས་དཔེ་མཛོད་ཁང་གི་ཕུལ་བྱུང་རིག་གནས་ཆ་འཕྲིན་ཐོན་ཁུངས་རིན་པ་མི་དགོས་པར་མཉམ་སྤྱོད་བྱས་ཆོག་པ།

    2018-04-19 19:48:08

    ​མིག་སྔར། བོད་ལྗོངས་དཔེ་མཛོད་ཁང་གིས་ལྷ་སར"ངའི་བཀྲ་ཤིས་པའི་རིག་གནས་ལོ"ཞེས་པ་བརྗོད་བྱ་གཙོ་བོར་བྱས་པའི་བོད་ལྗོངས་སྤྱི་པའི་གྲངས་འཛིན་རིག་གནས་འགྲེམས་སྟོན་གཉེར་བ་རེད། གསར་འགོད་པས་འགྲེམས་སྟོན་ནས་ཤེས་རྟོགས་བྱུང་གསལ་དུ། མིག་སྔའི་བར། བོད་ལྗོངས་དཔེ་མཛོད་ཁང་གིས་བོད་ལྗོངས་ཡོངས་ཀྱི་ཁྱབ་ཁོངས་ནང་རིན་པ་མི་དགོས་པར་ཕུལ་བྱུང་རིག་གནས་ཆ་འཕྲིན་གྱི་ཐོན་ཁུངས་མཉམ་སྤྱོད་མངོན་འགྱུར་བྱས་ཡོད་ཅིང་། བོད་ལྗོངས་དཔེ་མཛོད་ཁང་དུ་བཙུགས་པའི་རྒྱལ་ཡོངས་ཀྱི་རིག་གནས་ཆ་འཕྲིན་ཐོན་ཁུངས་མཉམ་སྤྱོད་ལས་གཞི་བོད་ལྗོངས་ཡན་ལག་ལྟེ་གནས་དེ་བོད་ལྗོངས་ཡོངས་ཀྱི་སྤྱི་པའི་རིག་གནས་གྲངས་གཞི་ཅན་དུ་ཞབས་འདེགས་ཞུ་བའི་ནུས་ཤུགས་གཙོ་བོ་དང་སྣེ་ཁྲིད་པར་གྱུར་པ་རེད།

  • བོད་ལྗོངས་དཔེ་མཛོད་ཁང་དུ“ རྒྱལ་སྤྱིའི་བྱིས་པའི་དཔེ་དེབ་ཉིན་མོའི་” བྱེད་སྒོ་སྤེལ་བ།

    2018-04-19 19:32:15

    ཟླ4པའི་ཚེས2 ཉིན་ནི“ རྒྱལ་སྤྱིའི་བྱིས་པའི་དཔེ་དེབ་ཉིན་མོ” ཡིན་ཞིང་། བྱིས་པར་དཔེ་ཀློག་གི་གོམས་གཤིས་ཡག་པོ་ཞིག་ཆགས་སུ་འཇུག་ཆེད། བོད་ལྗོངས་དཔེ་མཛོད་ཁང་དང་ལྷ་ས་ཚོད་ལྟའི་སློབ་ཆུང་གཉིས་ཀྱིས་མཉམ་གཅིག་ཏུ་དཔེ་དེབ་ཉིན་མོའི་བྱེད་སྒོ་སྤེལ་ཞིང་། སློབ་ཆུང་སློབ་མ་342 ལྷག་བོད་ལྗོངས་དཔེ་མཛོད་ཁང་དུ་ཡོང་ནས་ལྟ་ཀློག་གི་མྱོང་རོལ་བྱས།

དབུ་ལྡེབ།གོང་ངོས།ཞོལ་ངོས།མཇུག་ངོས།ལ་མཆོང་སྤོ་བྱས་པ།ངོས།GOབསྡོམས་པའི་ལྷེ25ཨང ཨང་1/2ངོས། སྤྱི་བསྡོམས་པའི་ལྡེབ2ངོས།
རྡེབ་གནོན་གྲངས་ཚད། TOP